भिर भिरणाऱ्या पाखरा संगे

 

नाट्य प्रशिक्षण शिबिर

 *इंडियन ऑइल तथा नॅशनल स्कूल ऑफ ड्रामा दिल्लीचा संयुक्त उपक्रम*

*ग्रामीण, आदिवासी बालकलाकारांना दिल्लीचे व्यासपीठ; तीस दिवसीय निःशुल्क नाट्य शिबिराचे आयोजन!

अहेरी:

अहेरी येथील स्थानिक भगवंतराव हायस्कूल तथा कनिष्ठ महाविद्यालय येथे दिनांक 20 मे ते 20 जून पर्यंत ९ ते १५ वर्षे वयोगटातील विद्यार्थ्यांसाठी ३० दिवसीय निःशुल्क नाट्य प्रशिक्षण शिबिराचे आयोजन करण्यात आले आहे. नॅशनल स्कूल ऑफ ड्रामा (NSD) नवी दिल्ली, इंडियन ऑइल आणि आदिवासी ग्रामीण साहित्य बहुद्देशीय सांस्कृतिक शिक्षण मंडळ चंद्रपूर यांच्या संयुक्त विद्यमाने हा उपक्रम राबवला जात आहे.नॅशनल स्कूल ऑफ ड्रामा (NSD) दिल्ली येथील अनुभवी व राष्ट्रीय स्तरावरील कलावंत विद्यार्थ्यांना मार्गदर्शन करतील. शिबिरात सहभागी होण्यासाठी कोणतेही शुल्क आकारले जाणार नाही. शिबिरातील प्रशिक्षण पूर्ण झाल्यानंतर, या बालकलाकारांचे नाटक २० जून रोजी थेट दिल्ली येथे सादर केले जाईल. ग्रामीण व आदिवासी भागातील विद्यार्थ्यांमध्ये असलेल्या सुप्त कलागु

णांना आंतरराष्ट्रीय दर्जाचे व्यासपीठ मिळवून देण्याच्या उद्देशाने या शिबिराचे आयोजन करण्यात आले आहे. या प्रशिक्षणामुळे विद्यार्थ्यांचे स्टेज धाडस, संवाद कौशल्य आणि व्यक्तिमत्त्व विकासाला मोठी चालना मिळणार आहे. नॅशनल स्कूल ऑफ ड्रामा (NSD) ही नवी दिल्ली येथील भारतातील सर्वोच्च नाट्य प्रशिक्षण संस्था आहे, जिचा भारत सरकारच्या संस्कृती मंत्रालयाशी (Ministry of Culture) थेट संबंध आहे. त्यामुळे अहेरी परिसरातील जास्तीत जास्त पालकांनी आपल्या पाल्यांचा यात सहभाग नोंदवावा, असे आवाहन नाट्य शिबिरचे समन्वयक सुहास नगराडे, राहुल पेंढारकर यांनी केले आहे.

पक्षी वाचवा अभियान-2026

 

चिमणीची चिवचिव अन् पाखरांची भुर्रर्र... मुलांनो, या निसर्गाच्या गाण्याला हरवू नका!

- राहुल पेंढारकर (अध्यक्ष, आदिवासी ग्रामीण साहित्य बहुद्देशीय सांस्कृतिक शिक्षण मंडळ या संस्थेचा राज्यव्यापी उपक्रम)

पहाटेची शांतता भंग करणारी सुरांची मैफल, घराच्या अंगणात दाणे टिपणारी चिमणी, बाल्कनीत घरटं करणारी कबुतरं आणि आकाशात मुक्त संचार करणारे रंगीबेरंगी पक्षी... आजच्या सिमेंटच्या जंगलात हे दृश्य दुर्मिळ होत चालले आहे. निसर्गाचे हे सुंदर घटक आपल्यापासून दुरावत आहेत. पण, महाराष्ट्रातील ग्रामीण आणि शहरी भागातील शाळकरी मुलांनी आता एक विडा उचलला आहे - 'पक्षी वाचवा'! आदिवासी ग्रामीण साहित्य बहुद्देशीय सांस्कृतिक शिक्षण मंडळ, महाराष्ट्राच्या वतीने राबविण्यात येत असलेल्या या अभियानात पुणे, नागपूर, सातारा, अकोला, गडचिरोली, चंद्रपूर अशा विविध जिल्ह्यांतील विद्यार्थी उत्स्फूर्तपणे सहभागी होत आहेत.

*पक्षी वाचवा अभियान* : संकल्पना आणि ध्येय

या उपक्रमाचा मुख्य उद्देश केवळ पक्षी वाचवणे नाही, तर लहान मुलांमध्ये निसर्गप्रेमाचे बीज रोवणे हा आहे. वाढते शहरीकरण, मोबाईलचा अतिवापर आणि झाडांची कमतरता यामुळे पक्ष्यांचे अधिवास नष्ट होत आहेत. उन्हाळ्यात पक्षी तहानेने व्याकुळ होतात.

पालकांनो, एक बदल घडवा: आपल्या पाल्याला मोबाईलपासून दूर करून पक्ष्यांच्या जवळ आणा. आमचे ध्येय: मुलांच्या हातून पक्ष्यांसाठी चारा-पाणी, घरटे (Nest) बनवणे आणि निसर्ग संवर्धन शिकवणे.

उपक्रमाची वैशिष्ट्ये:

स्वहस्ते पाणपोई: विद्यार्थी आपल्या बाल्कनीत किंवा अंगणात मातीच्या भांड्यात पक्ष्यांसाठी पाणी ठेवतील. घरटे तयार करणे: पुठ्ठा (Cardboard) किंवा नारळाच्या शेंडीपासून साधे घरटे बनवणे.

पक्ष्यांची ओळख: आपल्या आसपासच्या पक्ष्यांची नावे आणि त्यांचे वर्तन जाणून घेणे.

सहभागिता प्रमाणपत्र: या उपक्रमात सहभागी होणाऱ्या प्रत्येक विद्यार्थ्याला संस्थेमार्फत खास 'सहभागिता प्रमाणपत्र' देऊन सन्मानित केले जात आहे.

मुलं झाली 'पक्षिमित्र'

गडचिरोली, चंद्रपूरच्या आदिवासी भागातून ते पुण्याच्या हायटेक सोसायटीपर्यंत मुले या उपक्रमाला पसंती देत आहेत. या अभियानामुळे मुलांमध्ये जबाबदारीची भावना निर्माण झाली आहे.

"मी रोज सकाळी बाल्कनीत पाण्याचं भाडं भरते, आता तिथे चिमण्या येतात," अशी प्रतिक्रिया एका सहभागी विद्यार्थीनीने दिली.

पालकांसाठी आवाहन

तुमच्या घराची बाल्कनी, खिडकी किंवा टेरेस हे पक्ष्यांसाठी आश्रयस्थान बनू शकते.

मातीचे पसरट भांडे वापरा (प्लास्टिक टाळा, कारण त्यात पाणी लवकर गरम होते).बाजरी, ज्वारी, तांदूळ असा खाऊ ठेवा. पक्ष्यांवर गलोलीने नेम साधण्याऐवजी, त्यांना अन्न भरवणारा हात बना. या मोहिमेत सहभागी कसे व्हावे? तुमची शाळा किंवा सोसायटी या उपक्रमाचा भाग बनू शकते. अधिक माहितीसाठी आदिवासी ग्रामीण साहित्य बहुद्देशीय सांस्कृतिक शिक्षण मंडळाशी संपर्क साधा. चला, पुढच्या पिढीला चित्रातील पक्षी दाखवण्याऐवजी, आभाळातील खरोखरचे पक्षी दाखवूया! या पक्षी वाचवा अभियानाला हातभार लावून आपली वसुंधरा हिरवीगार आणि चिवचिवारी ठेवूया.

अधिक माहितीसाठी संपर्क साधा - 7057606384 आदिवासी ग्रामीण साहित्य बहुउद्देशीय सांस्कृतिक शिक्षण मंडळ चंद्रपूर 

चंद्रपूर येथे ' मोफत कपडा बँक ' चे उद्घाटन -निःशुल्क कपडा वितरणातून गरजूंना मदत..!

चंद्रपूर :

          आदिवासी ग्रामीण साहित्य बहुद्देशीय सांस्कृतिक शिक्षण मंडळ चंद्रपूर या संस्थेच्या स्वनिधीतून ' मोफत कपडा बँक ' चा उद्घाटन सोहळा पार पडला.

          चंद्रपूर येथे "मोफत कपडा बँक" सुरू करण्यात आली असून, दर महिन्याला गरजू लोकांना कपड्यांचे मोफत वाटप केले जाणार आहे. या अभियानासाठी निवडक ठिकाणी वितरण केंद्र उभारले जाणार असून स्वेटर, मफलर, ब्लँकेट असे ऊबदार वस्त्र सुद्धा या केंद्रांवर वाटप करण्यात येणार असल्याची माहिती, संस्थेचे चेअरमन राहुल पेंढारकर यांनी दिली. या उपक्रमाला चंद्रपूर शहरातील नागरिकांनी चांगला प्रतिसाद दिला आहे. मागील पाच वर्षा पासून ' कपडा दान ' हे अभियान संस्थेच्या वतीने राबविण्यात येत असून आजवर अनेक गरजू लोकांना मोफत कपडा वितरण करण्यात आले आहे. शिवाय गरजू विद्यार्थी, मूक बधिर विद्यार्थी ह्यांना ब्लँकेट, स्वेटर, शूज, सॉक्स, shool bag चे वितरण सुद्धा संस्थेच्या स्वनिधीतून करण्यात आले आहे.

        उद्घाटन प्रसंगी संस्थेचे चेअरमन राहुल पेंढारकर, वैष्णवी कुलसंगे, पितांबर सूर्यवंशी, सगीर सय्यद, खुशबू सय्यद, ख्वाहिश सय्यद , मानकर, पि .बी पेंढारकर आदि उपस्थित होते.

मोफत कपडा वितरणाचे उद्देश

''आर्थिकदृष्ट्या दुर्बळ लोकांसाठी कपडे खरेदी करणे शक्य नसते, अशा लोकांना आधार देणे हा आमच्या संस्थेचा एक मुख्य उद्देश आहे. ही एक मानवी कर्तव्य आणि संवेदनेची अभिव्यक्ती आहे, जी गरजूंना मदत करते. थंडीच्या काळात, गरीब आणि बेघर लोकांना थंडीपासून वाचवण्यासाठी स्वेटर आणि ब्लँकेट वाटप करून, आम्ही मानवी कर्तव्य पूर्ण करीत आहोत ' 

- राहुल पेंढारकर, चेअरमन, (TRL MCEB)

वृद्ध कलावंत समितीवर बोगस कलावंतांचा शिरकाव