चंद्रपूर : सर्वांगिण विकास बहूद्देशिय शिक्षण प्रसारक मंडळ तर्फे शिक्षक दिनाचे औचित्य साधून विविध उपक्रम राबविण्यात आले. भदंत चंद्रमणी लॉन चंद्रपूर येथे सामाजिक कार्यकर्ता सारिका उराडे यांच्या जन्मदिनानिमित्त प्रबोधन साहित्य कला मंचच्या वतीने प्रबोधनपर भीम गीतांचा कार्यक्रम आयोजित करण्यात आला. प्रसंगी राजेंद्र गोडबोले सुरेश वेस्कडे, संतोष बारसागडे, किशोर तेलतुंबडे, जयशंकर वानखेडे, सोनू उज्जेंवार, राकेश निमसरकार, यशवंत उराडे, कमलताई धुरंदर, विद्यानंद शेंडे, अविनाश चहांदे, शुभम शेंडे, देविदास कातकर
व परिवर्तन साहित्य कला फाउंडेशन चंद्रपूर चे सर्व पदाधिकारी उपस्थित होते.
*गरिबी निर्मुलन समितीची कार्यकारणी गठित*
वृक्षारोपन करून, व्यसनमुक्त झालेल्या लोकांचा सत्कार सोहळा आयोजित करण्यात आला. याप्रसंगी गरिबी निर्मूलन समितीचे संस्थापक अध्यक्ष मा. श्री. लालासाहेब गायकवाड आणि सल्लागार मा. ऍड. येवते पाटील एस. ए. सिनिअर ॲडव्होकेट सुप्रीम कोर्ट नई दिल्ली. माननीय लालासाहेब ह्यांच्या विशेष मार्गदर्शनातून गरिबी निर्मूलन समितीची धुरा हातात घेऊन या समितीचे काम संपूर्ण महाराष्ट्रात वाढवण्यासाठी सेवाभावी समाजसेवकांची नियुक्ती करण्यात आली. संतोष जीवनदास बारसागडे यांची विदर्भ प्रदेश सचिव पदी नियुक्ती करण्यात असून गडचिरोली जिल्हाध्यक्ष पदी राहुल पेंढारकर यांची निवड करण्यात आली.
प्रसंगी विद्यानंद शेंडे यांनी समाजसेविका सारिका उराडे यांच्या जीवन चरित्रावर थोडक्यात प्रकाश टाकताना बोलले की, ताई पंचेवीस वर्षापासून शिक्षण क्षेत्रात, कला क्षेत्रात आणि सामाजिक क्षेत्रात त्यांचा मोलाचा वाटा आहे.
"दुखितांची वाट तू
अबोलांचे ओठ तू
तुझा गुलमोहर सखे
असाच बहरवा
तुझ्या ध्येय वेड्या कार्याला
वसा सवित्रीचा द्यावा"
अशा शब्दात त्यांचे वर्णन केले. पुज्य भंते धम्माघोष मेत्ता यांनी बुद्धमांगल गाथेनी कार्यक्रम संपन्न केला कार्यक्रमाचे प्रास्ताविक टिना उराडे तसेच आभार प्रदर्शन पापिता जूनघरे यांनी केले.
कोणत्याही टिप्पण्या नाहीत:
टिप्पणी पोस्ट करा